我們的80年代--公屋篇

我，80年代遺留下來既產物．好鐘意80年代，一個代表住我既年代，一個香港經濟起飛既年代，人人有飯食既年代，中英聯合聲明既年代，一國兩制，97，譚詠倫，張國榮既年代．

公屋篇
4歲，1984年終於申請到公屋，再吾駛租人地方，地點係粉嶺祥華村．一個二百幾尺既單位，住左我一家三口，一個四四方方既地方，沒有房間，放左兩張床．我就係一個甘小既空間住左18年．記得我住既地方係Ｉ字型，一條長長既走廊貫穿哂成層樓既每家每戶，每戶對一戶．以前住公屋好開心，好似一個大家庭甘，鄰居既小朋友同我又差不多大，一齊成長，一齊放學番屋企，一齊係走廊踢波，踩單車，最無憂無慮既日子．

以前住屋村每家每戶好多都時候都會打開門，有時晚飯時候行過，鄰居可能會問候一句，＜放工啦，食左飯未呀＞一句好簡單既說話，但係而家諗番轉頭其實好溫暖．而家資訊發達既年代人與人之間，一個甘少既問候都好難做到．有咩事email，SMS，開始連打個電話聽聽對方把聲都懶．

以前係公屋長大既，我諗都試過問鄰居借豉油，借鹽，好不計較既表現．記得有一次８號風球，大人吾駛番工細路吾駛番學，幾家幾戶既大人聚集埋一齊決戰四方城，細既就係走廊跑來跑去去下Ａ君屋企玩，去下Ｂ君屋企睇電視．我諗而家就算住係公屋既人都吾會甘做了．無可否認經過呢廿幾年既香港社會，其實真係變左好多．呢個社會愈先進愈方便，某情度上令到人與人之間既關係愈黎愈少，以前我地放學番到屋企無野做，米出去走廊玩，而家Ｄ人番到屋企，米就係對住部電腦，係呢個網絡上世界尋求快樂．二十年後今日既我會想起，二十年前，我同咩朋友一齊係走廊追逐，而家既一代二十年之後佢地又會諗起Ｄ咩呢，諗起上網同邊個ＩＣＱ，ＭＳＮ嗎．．．