半醉人間

前兩天0係影碟店租了一套港產片叫．半醉人間．，主線0係一間酒吧來發生，不同既客人有著不同既背景，有著不同既故事．呢D事就是我們平常各樣既人身邊經常發生，一路看一路產生共嗚．

這套戲的導演．邱禮濤．一直而來都挺鍾意這導演．十幾年前第一次接觸呢一個人吾係戲，反而係書，係一本講有關搖滾音樂既書，幾年後有幸睇到佢一部叫．等候董建華發落．既戲，從而對呢個加左幾分留意．佢往往拍既戲都係小品形式，好多時都係各人與人之間既溝通，吾會有幾多高低起落，慢慢係套戲滲出人生．

扯到好遠．．．哈．講番套戲，酒吧，所有既客人都係活係酒精既世界．而我自己都享往酒精既世界，戲中老闆娘講過，做人睇得甘清楚為乜．我絕對贊成，有時候睇得清楚，反而更苦．而經過酒精既影響，我地可以做出比平常更瘋狂既行為，可以少Ｄ思巧，多Ｄ衝動．大哭大笑．有人或者會覺得，甘樣好浪費時間，對我黎講我寧願甘樣浪費，好過每一日都要活係呢Ｄ所謂生活既壓力之中．所以我喜歡醉．

酒吧，我鐘意去清吧，可以同朋友傾下計，但係最鐘意反而吾係傾計，我比較喜歡睇下個Ｄ一個男人飲野，佢地好少會狂飲，只係一杯起兩杯止，個Ｄ人既面上永遠好似有一個故事甘，當時二十歲出頭既我．會問．點解呢班人吾番屋企．一個人會開心嗎．而家26歲，我明白了，有時候我想我都會甘樣，少少既酒精，令世界更簡單，最少可以逃避呢Ｄ人生既壓力，一個人坐係度，無人再煩你．無朋友要你幫佢解決問題，係自己一個人既世界．所以我喜歡醉．